စာရေးဆရာ မင်းလူ ခေါ် ဦးဉာဏ်ပေါ် အသက် ၅၉ နှစ် ဟာ ကင်ဆာရောဂါ နဲ့ သြဂုတ်လ ၁၄ ရက် ည ၁၁ နာရီ ခွဲ က ရန်ကုန် ဝိတိုရိယ ဆေးရုံကြီး မှာ ကွယ်လွန်သွားပါပြီ။
ကျွန်တော့ အကြိုက်ဆုံးစာရေးဆရာတစ်ယောက်ဖြစ်ပါတယ်။ ဖခင်နဲ့ အစ်ကိုဖြစ်သူများက ရုပ်ရှင်နယ်ပယ်မှာ ထူးချွန်သူများဖြစ်ပေမယ့် ဆရာတစ်ယောက်တည်း စာပေနယ်တစ်ခုတည်းကို တခုတ်တရ ဖက်တွယ်ခဲ့သူပါ။ လူပိန်းကြိုက် ရေပေါ်ဆီ စိတ်ကူးယဉ်စာပေတွေနဲ့ ပေါ်ပင်မလိုက်ပဲ သဘာဝကျကျစာပေတွေနဲ့ ကျွန်တော်တို့ လူငယ်ထုကို လမ်းညွှန်ခဲ့သူလည်းဖြစ်ပါတယ်။ ဆရာရဲ့ ဇတ်ကောင်တွေဟာ ငွေကြေးကျိကျိတက်မချမ်းသာတတ်ပါဘူး။ ပျိုတိုင်း ကျလောက်အောင်လည်း ရုပ်ရည်ရူပကာမရှိတတ်ပါဘူး။ အသိုင်းဝိုင်းထဲမှာ ဇာတ်လိုက်ဖြစ်လို့ တမူထူးခြားနေခြင်းမျိုးလည်းမရှိပါဘူး။ ဒါပေမယ့် ဆရာ့ဇတ်ကောင်တွေမှာ ယောက်ကျားဆန်မှု့၊ တရားမျှတမှု့၊ ရိုးသားဖြူစင်မှု့၊ နွေးထွေးကြင်နာမှု့တွေ အပြည့်နဲ့ လူ့သဘာဝကို လက်တွေ့ကျကျဖော်ညွှန်းလေ့ရှိပါတယ်။ ပန်းကျောင်း၊ ရေတမာ၊ သံယောဇဉ်အဖွဲ့ စတဲ့စာအုပ်တွေကတော့ ကျွန်တော့ တသက် မမေ့နိုင်ပါဘူး။ ဆရာ့ဇာတ်ကောင်တွေဟာ ကျွန်တော်တို့ လူငယ်ဘ၀မှာ ဘ၀လမ်းညွှန် စံပြတွေဖြစ်ခဲ့ပါတယ်။ ဆရာဇာတ်ကောင်တွေကို အားကျစိတ်နဲ့ ကျွန်တော်တို့လူငယ်ဘ၀မှာ ရိုးသားမှု့နဲ့ တရားမျှတမှု့ ခုံမင်ခဲ့ပြီး ဘ၀ထဲမှာ လက်တွေ့ဆန်ဆန်နေထိုင်ဖို့ အင်အားတွေ ဖြစ်ခဲ့ရပါတယ်။ ဆရာဇာတ်ကောင်တွေထဲမှာ ပြင်ပကမ္ဘာမှာမရှိနိုင်တဲ့ စိတ်ကူးယဉ် လူစွမ်းကောင်းတွေ မပါတတ်ပါဘူး။ သူ့ဇာတ်ကောင်တွေဟာ လူတွေထဲက သာမန်လူတွေပဲ ဖြစ်လေ့ရှိပါတယ်။ သာမာန်ရုပ်ရည်၊ သာမာန်အရည်အချင်းလောက်သာရှိတဲ့ ဇာတ်လိုက်တွေထဲက လူသားဆန်မှု့နဲ့ မေတ္တာတရားတွေကို စာဖတ်သူအသဲခိုက်အောင် ဆွဲထုတ်ဖန်တီးပြတတ်ပါတယ်။
နောက်ဆုံးအချိန်မှာ လူတိုင်းနာမည်ကြားရုံနဲ့ ထိတ်လန့်တုန်လှုပ်တဲ့ ကင်ဆာရောဂါကိုတောင် ဟာသနဲ့ပျက်ရယ်ပြုခဲ့တဲ့ ဆရာရဲ့စိတ်ဓာတ်ကြံ့ခိုင်မှု့ကိုလည်း လေးစားမိပါတယ်။
သေချာတာကတော့ ကျွန်တော်တို့ နောက်ဘယ်တော့မှ ဆရာရဲ့ တန်ဖိုးရှိတဲ့ စာအသစ်တွေကို ဖတ်ခွင့်ရမှာ မဟုတ်တော့ပါဘူး။ အသက် ၅၉ နှစ်ဆိုရာ ပညာရှင်တစ်ယောက်အတွက် အင်မတန်ကို စောလွန်းတယ်လို့ ခံစားမိတဲ့အတွက် အလွန်ပဲ စိတ်မကောင်းဖြစ်မိပါတယ်။ တန်ဖိုးရှိတဲ့ စာပေတွေနဲ့ လူငယ်တွေကို အကျိုးပြုခဲ့တဲ့ ဆရာမင်းလူ ကောင်းရာမွန်ရာ ဘုံဘ၀ကို ရောက်ရှိပါစေလို့သာ ဆုတောင်းပေးလိုက်ပါတယ်။
