ဘန်ကောက် Public Transportation တွေအကြောင်း

ဘန်ကောက် Public Transportation တွေအကြောင်း အရင်ဆုံး လိုတိုရှင်းပြောရရင် ဈေးနှုန်းအသက်သာဆုံးကတော့ ရိုးရိုးဘတ်စ်ကားတွေပဲ ၊ အကယ်လို့ကိုယ်ကမြန်လည်းမြန်ချင်တယ် ဈေးနှုန်းအားဖြင့်လည်းနည်းနည်းသက်သာရမယ်ဆိုရင် ကိုယ်သွားချင်တဲ့နေရာနဲ့ လက်ရှိနေရာနဲ့က BTS, MRT, လှေဆိပ်တွေနဲ့နီးလားအရင်ကြည့် နီးတယ်ဆိုရင်လမ်းကြောင်းဆွဲပြီးသွားရင် အဆင်ပြေတယ်။ လမ်းကြောင်းကဘန်ကောက်မြို့ထဲဆိုရင် Google Map မှာကိုယ်သွားချင်တဲ့နေရာကို direction ဆွဲလိုက်ရုံနဲ့ ဘယ် public transportation နဲ့ရောက်လည်းဆိုတာ ကြည့်လို့ရတယ်။ ဘာစီးစီး မနက် ၇ နာရီကနေ ၉ နာရီကြား ၊ ညနေ ၅ နာရီကနေ ၇ နာရီကြားဆိုရင် အလုပ်သွားအလုပ်ပြန်အချိန်တွေဖြစ်တာကြောင့် လူအရမ်းကြပ်တာမို့ အဲ့အချိန်ကားစီးမိရင်တော့ အေးဆေးအိပ်လိုက်သွားလို့ရပါတယ်။ အလျင်လိုနေတယ်ဆိုရင်တော့ Bolt ဆိုင်ကယ်သာငှားလိုက် အမြန်ဆုံးနဲ့အန္တရာယ်အရှိဆုံးမောင်းပေးလိမ့်မယ်။ ဒါကတော့ Public Transportation တွေရဲ့ဈေးနှုန်းတွေပါ။ • Normal Bus (8-10 bahts) • Aircon Bus (10-25 bahts) • BTS Skytrain (15-62 bahts) • MRT (14-42 bahts) • Airport Rail Link (15-45 bahts) • Bangkok River Boats (10-45 bahts) • Khlong Saen Saep Boat (8-20 bahts) *** 𝐁𝐚𝐧𝐠𝐤𝐨𝐤 𝐁𝐮𝐬𝐞𝐬 *** ဘန်ကောက်မှာဈေးအသက်သာဆုံးကတော့ ဘတ်စ်ကားတွေပဲ၊ ဘတ်စ်ကားတွေကို BMTA လို့ခေါ်တဲ့ Bangkok Mass Transit Authority ကနေအဓိက‌ management လုပ်ပြီး ဘတ်စ်ကားစီးတဲ့သူတွေအနေနဲ့လည်း ဘတ်စ်ကားအသွားအလာနဲ့လမ်းကြောင်းကို Via Bus, Moovit လို Application တွေမှတစ်ဆင့် ကြည့်လို့ရတယ်။ ဘတ်စ်ကားတွေကို အဲကွန်းမပါတာနဲ့ပါတာနှစ်မျိုးခွဲထားပြီး အဲကွန်းမပါတဲ့ရိုးရိုးဘတ်စ်ကားတွေက ဘယ်စီးစီး ပုံသေဈေးနှုန်း 8-10 bahts ပေးရတယ်၊ အဲ့ကားတွေကပုံမှန်အားဖြင့် အနီရောင်အများစုဖြစ်တဲ့အတွက် Red Bus လို့လူသိများကြပေမဲ့ ပြေးဆွဲတဲ့လမ်းကြောင်းပေါ်မူတည်ပြီး အနီနဲ့အပြာရှိပါတယ်။ နောက်တစ်ခုကတော့ အဲကွန်းပါတဲ့အပြာရောင်ဘတ်စ်ကားတွေပါ ၊ Thai Smile Bus (TSB) လို့ခေါ်ပြီး ကိုယ်စီးမဲ့အကွာအဝေးပေါ်မူတည်ပြီး 10-25 bahts အထိ ပေးရပါတယ်။ အဲ့ကားတွေကတော့ ငွေသားအပြင် TSB card နှင့် TS company နဲ့ ပူပေါင်းထားသော card အချို့ကိုအသုံးပြု၍ စီးနင်းနိုင်ပါတယ်။ Transportation charges ချွေတာချင်ရင် ဘတ်စ်ကားတွေကအသင့်တော်ဆုံးဖြစ်ပေမဲ့ မြို့ထဲဧရိယာမှာ ရုံးတက်ရုံးဆင်းအချိန်တွေဆို ကားလမ်းအရမ်းပိတ်တာမို့ ၄၅ မိနစ်ခရီးကို ၂နာရီ ၃နာရီလောက် ကြာတာမျိုး ရှိတတ်ပါတယ်။ *** 𝐁𝐓𝐒 𝐒𝐤𝐲𝐭𝐫𝐚𝐢𝐧 *** BTS တွေက မိုးပျံရထားလမ်း (sky railways) ကနေသွားတာဖြစ်ပြီး အစိမ်းလိုင်း (Sukhumvit Line) ၊ အစိမ်းရင့်လိုင်း (Silom Line) နှင့်အဝါလိုင်း (MRT Yellow Line) အဓိကလိုင်းသုံးလိုင်းရှိပါတယ်။ အစိမ်းလိုင်းက ဘန်ကောက်မြို့အနောက်ဘက်နဲ့မြောက်ဘက်ကို ( Kheha - Khukhot ) ချိတ်ဆက်ထားပြီး ဘန်ကောက်မြို့ရဲ့အဓိကနေရာတွေဖြစ်တဲ့ Asok, Nana, Siam စတဲ့နေရာတွေကိုတိုက်ရိုက်ရောက်တဲ့လိုင်းဖြစ်ပါတယ်။ Transportation charges အနေနဲ့ အကွာအဝေးပေါ်မူတည်ပြီး 16-59 Bahts ကျသင့်မှာပါတယ်။ အစိမ်းလိုင်းကို ဘန်ကောက်မြို့ရဲ့အကောင်းဆုံးရထားလိုင်းလို့လည်းမှတ်ထားလို့ရတယ်။ အစိမ်းရင့်ရောင်လိုင်းကတော့ ဘန်ကောက်မြို့ရဲ့အရှေ့ဘက် National Stadium ကနေ အနောက်ဘက် Bang Wa ကိုချိတ်ဆက်ထားတဲ့လိုင်းဖြစ်ပြီး မြို့လယ်ခေါင် SIAM ကနေ ကျောက်ဖယားမြစ်ဘေးက ICONSIAM ဘက်သွားလို့ရတဲ့လိုင်းဖြစ်ပါတယ်၊ Krung Thon Buri မှာဆင်းပြီး BTS Gold Line (လိုင်းတို) ပြန်စီးရင် ICONSIAM တိုက်ရိုက်ရောက်ပါတယ်။ တစ်ချို့နေရာတွေကရထားလိုင်းတစ်ဆင့်ထဲမရောက်တာမျိုးရှိတယ် ၊ အဲ့အခါရထားလမ်းနှစ်ခုဆုံတဲ့ဘူတာမှာပြန်ပြောင်းစီးလို့ရတယ်။ BTS Skytrain စီးမယ်ဆိုရင် single-journey ticket (ရထားဘူတာမှာရှိတဲ့စက်တွေမှာသွားမဲ့ဘူတာရွေးပြီးဝယ်လို့ရ) ၊ Rabbit Card နှင့် အချို့သော Bank Card တွေနဲ့စီးလို့ရပါတယ်။ *** 𝐌𝐑𝐓 𝐌𝐚𝐬𝐬 𝐑𝐚𝐩𝐢𝐝 𝐓𝐫𝐚𝐧𝐬𝐢𝐭 *** MRT တွေမှာဆိုရင် • MRT Blue Line • MRT Yellow Line • MRT Purple Line • MRT Pink Line • MRT Orange Line (လက်ရှိဆောက်နေဆဲ) ဆိုပြီး ငါးလိုင်းရှိတယ်။ MRT Blue Line ကတော့ BTS Green Line လိုပဲ ၊ ဘန်ကောက်ရဲ့နာမည်ကြီးနေရာတော်တော်များများကိုပတ်သွားတဲ့လိုင်းပဲ BTS နဲ့မတူတာဆိုရင် သူကမြေအောက်ထဲကနေသွားတာ။ Transportation charges ကတော့ အကွာအဝေးပေါ်မူတည်ပြီး 14 - 42 bahts အထိရှိတယ် ဒီလိုင်းမှာ VISA Card နဲ့စီးလို့ရသလို single-journey ticket (ရထားဂိတ်တွေမှာသွားမဲ့မှတ်တိုင်ရွေးပြီးဝယ်လို့ရ) ၊ အချို့သော Bank Card တွေနဲ့လည်း စီးလို့ရတယ်။ MRT Yellow Line လို့ခေါ်တဲ့အဝါလိုင်းက မိုးပျံလမ်းကပဲသွားတာ ဒါပေမဲ့အခုအချိန်မှကျန်းမာရေးလိုင်းလို့အလွယ်မှတ်ထားလိုက်တာပိုကောင်းမယ်၊ တစ်နေရာရာသွားမယ်ဆို အတက်အဆင်းသုံးခါလောက်လုပ်ရလို့။ ဒီလိုင်းကဘန်ကောက်မြို့ရဲ့အရှေ့မြောက်ဘက် Lat Phrao ကနေ အရှေ့တောင်ဘက် Samrong ကိုချိတ်ဆက်ထားတဲ့လိုင်း သူကတော့မြို့လည်ခေါင် area တွေသိပ်မရောက်ဘူး ၊ အကွာအဝေးပေါ်မူတည်ပြီး 16-42 bahts လောက်ကျမယ် ၊ single-journey ticket (ရထားဘူတာမှာရှိတဲ့စက်တွေမှာသွားမဲ့ဘူတာရွေးပြီးဝယ်လို့ရ) ၊ Rabbit Card နှင့် အချို့သော Bank Card တွေနဲ့စီးလို့ရတယ်။ ကျန်နှစ်ခုဖြစ်တဲ့ Purple နဲ့ Pink Line ကတော့ နေတဲ့နေရာနဲ့တော်တော်ဝေးတော့ သွားမစီးကြည့်ရသေးဘူး၊ အဲ့ဘက်တွေမှာဘာတွေရှိလည်း မလေ့လာရသေးတာကြောင့်လည်းပါတယ်။ *** 𝐀𝐢𝐫𝐩𝐨𝐫𝐭 𝐑𝐚𝐢𝐥 𝐋𝐢𝐧𝐤 (𝐀𝐑𝐋) *** သုဝဏ္ဏဘူမိလေဆိပ်နဲ့ မြို့ထဲရှိ Phaya Thai ကိုချိတ်ဆက်ထားတဲ့ မိုးပျံရထားလိုင်းဖြစ်ပါတယ်။ လေဆိပ်ကနေစီးမယ်ဆိုရင် ground floor ကနေစစီးရမှာဖြစ်ပြီး ခရီးအကွာအဝေးပေါ်မူတည်ပြီး 10-45 bahts အထိကျသင့်နိုင်ပါတယ်။ လေဆိပ်ကနေမြို့ထဲလာမယ်ဆိုရင် ARL စီးပြီးအနီးဆုံးဘူတာမှာဆင်း Grab/Bolt ငှားတာက ပိုက်ဆံချွေတာရာရောက်ပါတယ်။ *** 𝐂𝐡𝐚𝐨 𝐏𝐡𝐫𝐚𝐲𝐚 & 𝐊𝐡𝐥𝐨𝐧𝐠 𝐒𝐚𝐞𝐧 𝐒𝐚𝐞𝐛 𝐁𝐨𝐚𝐭𝐬 *** ကျောက်ဖယားမြစ်ထဲမှာပြေးဆွဲတဲ့ Boats တွေကတော့ Boats အမျိုးအစားပေါ်မူတည်ပြီး 10-40 bahts အထိရှိပါတယ်။ Khlong Saen Saeb လို့ခေါ်တဲ့ရေနံချောင်းထဲကစက်လှေတွေကတော့ အကွာအဝေးပေါ်မူတည်ပြီး 10-25 bahts အထိပေးရတယ်၊ လှေဆိပ်နဲ့နီးတယ်ဆိုရင် ဒါပဲစီး မြန်မြန်ရောက်တယ်။ *** 𝐓𝐚𝐱𝐢 𝐒𝐞𝐫𝐯𝐢𝐜𝐞𝐬 *** အခြားသော Taxi Services လေးငါးခုရှိပေမဲ့ Bolt, Grab ကိုသုံးတာများပါတယ်၊ ပုံမှန်အချိန်ဆိုရင် Bolt ကဈေးနှုန်းအားဖြင့် Grab ထက်သက်သာပြီး မိုးရွာတဲ့အချိန် ကားလမ်းပိတ်တဲ့အချိန်ဆိုရင် Grab ကဈေးပိုသက်သာပါတယ်။ လူများများ (ဥပမာ သုံးလေးယောက်) ဆိုရင် Taxi စီးတာက ပိုတန်ပြီး တစ်ယောက်နှစ်ယောက်ထဲဆိုရင် Public Transportation က ချွေတာရာရောက်ပါတယ်။